تحليل ماتش الاهلي طنطا

في أسوء مباريات الأهلي هذا الموسم بيكسب الأهلي 3 نقاط بلا طعم ... بدون أداء و بدون متعة ...
الأهلي بيبدأ اللقاء باكرامي في المرمي ادامه فتحي سعد حجازي معلول ... ادامهم حسام غالي وعمرو السولية .... ادامهم 3 هما وليد سليمان عبد الله السعيد وميدو جابر تحت مهاجم وحيد هو جونيور اجاي ...
علي الورق بنلعب 4 2 3 1 لكن في الملعب لاتوجد أي خطة من أي نوع .. لكن في عشوائية و عدم احساس بالمسئولية و استهتار بخصم من المفترض انو سهل لكن احتا كالعاده بتصعب الأمور علي نفسنا جدا ...
الماتشات الي زي دي بيبقي عندك امكانية تريح لعيبة مجهدة وممكن تدخل عنصر جديد في التشكيل ... لذلك مشاركة ميدو جابر كأساسي من بداية المباراة كانت ايحابيه للفرقه و لميدو نفسيا ...
لازم اي فرقه بتنافس علي اكتر من بطولة يبقي ليها قاعدة لعيبة كبيرة تقدر تعوض الاصابات او الغيابات في اي وقت ... علشان كده لازم نشوف ميدو جابر و صالح ومحمد حمدي زكي بيشاركو ولو لاوقات قليلية ....
كان في التزام بالمراكز بس كان في عشوائية في التمرير لظرجه ان شوط الاول اعلي معدل تمرير صحيح متواصل كان 12 تمريرة معظمهم في الخط الخلفي لنا ....
اجاي بينزل اكتر من اللازم لمنتصف الملعب ... عبد الله السعيد في اسوء حالاته ... فتحي ومعلول دون المستوي ..، كل اللعيبة علي المستوي الفردي كانو سيئين .... بمجرد الوصول للدقيقة 25 أدركنا ان الماتش هيكون صعب وان كسبنا هيكون بهدف او بضربة جزاء .. و هو ماحدث ان اتحسبلنا ضربة جزاء لوليد سليمان و دخل معلول يسجلها بشكل سئ جدا و حالفه فيها حظ كبير ... معلول كان هداف الدوري التونسي اكثر اهظافه من ضربات الجزاء ... كان مهم جدا تسجل الركله دي و الا كان هيبقي رقم سلبي باهدار 3 ركلات متتاليه في ماتشين ...
توقعنا تغيير المنظومه في الشوط التاني و فعلا اتغير بس للاسوأ ... نفس العشوائية و عدم الالتزام من اللعيبة ... طنطا بتنتشر كويس في الملعب بلا فاعلية نظرا لحدود الامكانيات ....
التغييرات الي اجراها البدري لم تضف جديدا ... من الواضح ان مؤمن بيلعب تحت ضغط  نفسي ..... مؤمن من اللعيبة الجريئة علي مرمي المنافس بنشوفه خايف يشوط في اكتر من مناسبة علي غير العادة ...
صالح جمعه قادم وبقوه ... قادم بتمريراته قادم بتحكمه العالي في الكوره ... كمان قادم باهدافه ... في انتظار الوصول يا صالح ...
تغيير اخر بلا معني بنزول عاشور مكان السعيد كان بمثابه الصدمه لجمهور الاهلي ... هو التغيير دا كان علشان ايه ... تامن نص الملعب ادام فرقه في اخر الترتيب لم تصل لاكرامي في فرصة واحدة حقيقية ... تغيير غير مفهوم تماما ...
مباراة سيئة جدا من كل اللعبين ... بس بنستفيد منها درس كبير وهو عدم الاستهانة بأي منافس مهما كانت قوته ...
و تلات نقاط جديده صعبه في مشوار الدوري هذا الموسم ...
افضل لاعب في المباراة هو علي معلول ...

اقرء المزيد

تحليل ماتش الأهلي و الاتحاد

اتولد عام 1983 .. و التحق بالأهلي وهو عنده 13 عام .. تدرج في الفرق العمرية الي أن وصل للفريق الأول ... عرفناه في كاس العالم للشباب في ماتش انجلترا سجل هدف تاريخي علشان تفوز مصر علي انجلترا2-1.. عماد عبد النبي الشهير بعماد متعب...

أصغر هداف للدوري موسم 2004-2005...اعتمد عليه حسن شحاته و كان صاحب الهدف التاريخي في مرمي الجزائر في تصفيات كاس العالم 2010..سجل كتير من الاهداف الحاسمة مع الأهلي أهمها الكونفدراليه 2013..وهدف الرجاء2005..وكتير في الدوري..
عماد متعب 25 بطولة وكان واحد من جيل تريكه التاريخي...
كل التاريخ ده يستحق معامله تليق بيه و تليق بقيمه عماد متعب ابن النادي..
الأهلي بيبدأ اللقاء باكرامي في المرمي ادامه في الدفاع فتحي سعد حجازي معلول .. ادامهم غالي والسوليه .. السعيد سليمان نبدفيد تحت مهاجم وحيد جونيور اجاي ...
العوده للكلاسيكيه 4 2 3 1 ... مع بعض التغييرات علي التشكيل ... احمد حجازي الي غايب عم الماتشات بياخد مكان نجيب الي بيغادر التشكيل بعد ماتشات جيده ..
استبعاد مؤمن زكريا و الدفع بنيدفيد علي الجهه اليسري مكانه ... نيدفيد الي كان قليل المشاركه الدفاعيه اجبر معلول علي التراجع و قل ظهوره الهجومي .. و بتزايد الضغط علي معلول اضطر حسام غالي للتوجه للجهه اليسري لغلق الثغره و بقي السوليه وحيدا في المتتصف لواجهه اختراقات لاعبي الاتحاد و الي قدرو يوصلو للمرمي في اكتر من مرة ... تقدم لاعبي الاتحاد فتح المساحات للمهاجمين علي التحرك بحريه و فتح المساحه للاطراف خاصه فتحي في التقدم للامام .. فتحي الي معظم الفرق بتختار انها تهاجمنا من الشمال علشان مفيهاش فتحي ...
هدف ماركه وليد سليمان المبكر اثلج صدورنا وريحنا من كابوس المواجهات الصعبه ادام الاتحاد والي اخرها كان تعادل في الموسم الي فات ... تلاه سيل من الهجمات و المحاولات الحقيقيه علي المرمي كان ابرزها المحاوله المزدوجه من السعيد ووليد .. تصويبه العيد في العرضه تتاخد GIF وتدرس في اكاديميات الكوره علي كيفيه التصويب من الحركة...
النتيجه العادله للشوط الاول ممكن 3 اهداف للاهلي .. لكن عدم التوفيق كان حليفنا ... واستمر للشوط التاني الي بدأه السعيد بضياع ضربه الجزاء الخامسه ليه مع الاهلي والي سجل للاهلي 11ضريه .. اخر مره ضيع الاهلي ضربتين في ماتش واحد كان ماتش التليفونات في موسم 2013 و الي ضيع عبدالله السعيد ووائل جمعه..
في غفله من المربع الدفاعي الاهلاوي بيلعب نور السيد كوره طويله لكاسنجو السريع الي بينطلق ويسجل هدف التقدم بعد التعادل الي سجله خالد قمر ..
رد الاهلي لم يتأخر طويلا و استطاع جونيور اجاي التعادل بهدف رائع لتصبح النتيجه 2-2 و يبدأ الاهلي بالبحث عن الفوز..
لكن عدم التوفيق لمؤمن زكريا الي بيهدر ركله الجزاء ابقي علي النتيجه تعادل ايجابي 2-2.. في مباراه كان فيها سيد البلد في مستوي رائع و استطاع اقتناص نقطه ثمينه ...
خروج غالي و نزول صالح الرائع و الي بيستحق المشاركه لوقت أطول .. صالح هو البديل الشرعي للسعيد في الاهلي والمنتخب..
كانت مغامره في الطريق للحصول علي الثلاث نقاط لكن كان ممكن يخسرنا اكتر من كده..
مباراة هي الأفضل فنيا الي الأن وان كنا خسرنا نقطتين لكن كسبنا مهاجم اسمه جونيور اجاي .. وكسبنا ثقه في الأداء كفيله انها تدينا دفعه للفوز في كل المباريات المتبقيه ..
تقييم اللاعبين
اكرامي  8
فتحي 8
حجازي 7
معلول 7
غالي 7
السوليه 7
نيدفيد 6
السعيد 7
سليمان9
اجاي 8
مؤمن 6
صالح 8
عمرو  7
افضل لاعب وليد سليمان

اقرء المزيد

تحليل مباراه الاهلي و بتروجيت

التنوع التكتيكي و الخططي مطلوب طبقا لكل ماتش .. افضل من يقوم بذلك هو كونتي مدرب تشيلسي .. عملها مع اليوفنتوس لما بدأ الموسم بالخطه ٤ ٤ ٢ وانهاه بخطه ٣ ٥ ٢ وفاز بالدوري و وصل لنهائي دوري الابطال .. و استمر علي نفس الخطه مع المنتخب الايطالي ووصل لقبل النهائي في اليورو .. و بيعمل دا مع تشيلسي الموسم. ده اول مبدا يلعب ٣٤٣و لم يخسر ولا مباراه وكان اخر فوز علي اليونايتد ٤صفر .. علشان تعمل كده لازم تمتلك لعيبه عندها مرونه تكتيكيه تقدر توظفها باكتر من شكل واكتر من مكان ...

الاهلي بيبدأ اللقاء بوحش افريقيا شريف اكرامي ادامه من اليمين فتحي سعد نجيب صبرى ادامهم ٣ في منتصف الملعب هم نيدفيد عاشور السوليه وادامهم ٣ هم السعيد اجاي مؤمن زكريا ...
فرق كتير في العالم بتلعب ٤ ٣ ٣ وعلي راسهم برشلونه .. الخطه دي بتحتاج لامركزيه في مواقع المهاجمين التلاته و بتحتاج منتصف ملعب دفاعي بيلعب عالدايره كويس و جنبه اتنين بيجيدو التحكم بالكوره بشكل عالي ... عبد الله السعيد افضل مكان ليه في الملعب في المنطقه الفاضيه بين المدافعين و لاعبي المنتصف .. انهارده كان بيتحرك في مساعه عرضيه اكبر و اقرب للمدافعين و دا افقده اهم مميزاته من الكرات البينيه و التصويبات .. اجاي و مؤمن بينزلو للمنتصف علشان يشكلو محطه او يفتحو الطريق للبقيه و دا نظرا لان ٤ ٣ ٣ لا تمتلك صانع العاب صريح..
اكتر المستفيدين من الخطه دي كان عمرو السوليه لان تم تكليفه بمهام هجوميه اكتر و اتيحت له اكتر من فرصه ادام الجون .. علي العكس من نيدفيد الي كان تايه في الملعب الي حد كبير ..
مؤمن زكريا الي قل ارتباطه بالعوده الدفاعيه تفرغ للهجوم و اتيحت ليه اكتر من فرصه لم يتم استغلالها ...
علي الرغم من الفرص الكتير الي اتيحت للاهلي في الشوط الاول الا ان النتيجه كانت سلبيه ..
كل دقيقه كانت بتعدي كانت بتقرب بتروجيت من الماتش وبتبعد الاهلي ... ومع بدايه الشرط التاني بدات حاله التوهان لكل اللعيبه ... عبدالله السعيد خرج بره الماتش من الشوط الاول و لم يستطع العوده ... التغييرات اللي اجراها البدري باشراك وليد سليمان وغالي و صالح بدل من  نيدفيد و السوليه و السعيد مكنش كافي لتصليح الامور و المباراه  كانت بتسير فعلا الي التعادل او هزيمه الاهلي ..
لاحت فرصتين محققتين لبتروجيت في الدقايق الاخيره لولا براعه اكرامي وتوفيق ربنا كنا خسرنا اول ثلاث نقاط في البطوله .
مفاجاه البدري في التشكيل و الخطه مكنتش متوقعه .. البدري الي كان حذر في تغييراته او اشراكه لعيبه جديده فجاه بيغير خطه اللعب و بيبدا بلعيبه جديدة .. المناوره دي كان ممكن تكون محسوبه اكتر في ماتش تاني غير بتروجيت او افضل في مباريات الكاس ..
اجاي مهاجم له لمسه ظهرت مبكرا في الدقيقه ١٥ وهو محتاج شغل بدني وحساسيه ماتشات و هييجي ...
تدوير اللعيبه و التنوع الخططي شئ مطلوب جدا ولكن لازم يتم بحساب والا هنقع في خطأ الموسم السابق لما اصيب عبدالله السعيد و الفرقه حالتها ادهورت ...
اول نقطتين بنخسرهم بس لسه المشوار طويل و لسه هنتعلم و هنعرف قيمه كل بنط بيضيع مننا في ماتشات سهله ممكن نكسبها بسكور ...
تقييم اللاعبين
اكرامي ٩
فتحي ٦
سعد  ٦
نجيب ٥
صبري ٧
عاشور ٨
السوليه ٦
نيدفيد ٥
السعيد ٤
مؤمن ٧
اجاي ٦
سليمان ٥
غالي ٦

 صالح ...
افضل لاعب في المباراه شريف اكرامي

اقرء المزيد

تحليل مبارأة الاهلي واسوان

بخمس انتصارات متتاليه بيتصدر نادي القرن المسابقه بلاهزيمه الي الان ...

الاهلي بيبدا اللقاء بوحش افريقيا شريف اكرامي ادامه نجيب وسعد علي يمينه احمد فتحي وعلي الشمال صبري رحيل ... خط الوسط سوبر سوليه و الكابيتانو .. ادامهم مؤمن السعيد نيدفيد تحت مهاجم وحيد جون انطوي ...
اسوان بيدخل الماتش بعد سلسه هزائم متتاليه عاوز يكسرها ... اسوان من الفرق الي لو مسجلتش في اول 25 دقيقه هيتحول الماتش لماتش صعب خاصه مع مدرب قدير هو عماد النحاس و مع لعيبه تمتلك الروح ووراها اضعف الامكانيات ....
الخطه التقليديه 4 2 3 1 مع تعديلاتها في بعض الاحيان كالعاده ... جون انطوي حركته اسرع تحركاته افضل ..، بيتحرك غالبا بشكل طولي علشان ينزل يشكل محطه للمنطلقين علي الاجناب او بياخد لاعب معاه ويفضي منطقه العمق .... السعيد افضل لاعب في مصر في الفتره الحاليه و الي بيجيد التحرك في تلت الملعب الاخير للمنافس و بيحسن التسليم والتسلم في المكان ده و الكوره في رجله دايما في ايد امينه ... الاطراف نيدفيد و مؤمن بينطلقو في اتجاه المرمي بيزودو عدد المهاجمين في المنطقه و بيفتحو الطريق لصبري وفتحي علشان يعملو الاوفر لاب ... مؤمن من افضل لاعبي مصر في التحرك من غير كوره لكن عنده مشكله في اللمسه الاخيره وهو الافضل علي الاطلاق في الارتداد الدفاعي .. غالي بيشكل اللاعب الفاضي لاي واحد مضغوط عليه ... اكتر لاعب بيسلم ويستلم ... معدل باس صحيح بيتجاوز التسعين في الميه ... رساله موجهه من السوليه لعاشور في انزار شديد اللهجه بان مكانك خلاص بقي بتاعي ... السوليه بدا يحسسنا بالامان في المنطقه اضافه انو بيعمل التكمله الهجوميه و بيقدر يصوب علي الجون و بسرعه بيرتد للدفاع ...
علشان الخطه  دي تكتمل كان لازم صبري رحيل يجري بطول الملعب علي الخط ويقوم بدور معلول وكذلك فتحي علي الجهه المقابله ...
الاختبار الدفاعي الوحيد في الشوط الاول كان في الدقيقه 20 وبخطأ دفاعي من سعد ونجيب كان ممكن يكلفنا هدف مبكر ... وكذلك فرصه اخري في الشوط التاني ...
الاهلي كان ماسك الماتش من بدايته لكنو مكنش بيوصل كتير ... الي بدايه الشوط التاني بيسجل مؤمن هدف بيفتح الماتش اكتر ... وبيستمر الضغط الاهلاوي وتراجع اسوان ..
ادرك البدري مبكرا ضروره استبدال نيدفيد ونزول وليد سليمان لكنه انتظر عليه شويه ... وليد سليمان لاعب من فئه الموهوبين والي قادرين علي انهاء الماتشات  ..
نيدفيد وان كان لاعب يمتلك امكانيات كبيره الا انه لم يتم استغلاله بشكل جيد الي الان ... اجاي الي اخد حوالي 20 د في الماتش ده بان عليه جدا الوزن الزايد والي محتاج يتعمل عليه شغل علشان نستفيد منه الفتره الجيه ...
نزول صالح جمعه ولو دقايق معدوده علشان يدخل جو الماتشات مهم جدا ... صالح في فورمته هيبقي لعيب نعتمد عليه ....

تقييم اللعبين
اكرامي 8
فتحي  7
سعد 7
نجيب 8
صبري 5
غالي 8
السوليه 9
السعيد 8
مؤمن 8
نيدفيد 6
انطوي 7
وليد 8
اجاي 5
صالح ....
افضل لاعب في المباراة عمرو السولية

اقرء المزيد

تحليل ماتش الاهلي والداخليه

في الوقت الي العالم كلو بيبتكر في عالم كره القدم ... تكنولوجيا بتستخدم للحد من اخطاء الحكام ... قوانين بتتجدد يوم بعد يوم .. بتحصل لقطه حصريه للايجبشين ليج ... عواد حارس الاسماعيلي بيتصدي للكره بايده من خارج منطقه الجزاء مع اشاده من معلق الماتش و تجاهل من كل الملعب والحكم ... والكوره كملت عادي خالص ... الامر الي انتشر علي السوشيال ميديا العالميه وبقي محل للسخريه..

الاهلي بيبدأ اللقاء باكرامي قافل المرمي ... خط الدفاع احمد فتحي علي بيه معلول سعد سمير محمد نجيب ... اتنين في المنتصف السوليه وغالي ... ادامهم 3 مؤمن السعيد وليد سليمان .. تحت مهاجم وحيد جون انطوي ...
زي دلوقتي من الموسم الي فات كان الداخليه الملقب بليستر سيتي الدوري المصري علي صداره الترتيب ... وكان ند قوي لكل انديه الدوري ... وكان بيمتلك مدرب علي مستوي عالي ولاعيبه بروح قتاليه ... لذلك حسام البدري تعامل معاهم اد حجمهم ولم يستهين بهم ...
الطريقه التقليديه 4 2 3 1 والاعتماد علي السوليه كبديل لعاشور في منتصف الملعب الدفاعي ... مع بعض الاضافات في بعض الاوقات بدخول وليد سليمان لمنتصف الملعب واحيانا صعود مؤمن كمهاجم تاني مع اعطائهم حريه الحركه ...
احد العيوب لعاشور هو عدم المشاركه الهجوميه البناءه ... لكن بيغطي علي العيب ده ثباته الدفاعي الشديد والي بيقفل منطقه منتصف الملعب ... مشاركه السوليه كانت ايجابيه جدا ... اعطي لحسام غالي حريه الحركه دفاعا وهجوما ... السوليه عنده قدرات دفاعيه وهجوميه ولاعب متوازن جدا .. بتحرك بحساب ... بيخترق .... عنده سرعات ... محتاج لماتشات بس ...في كثير من الاوقات كان الداخليه بيعتمد علي صتع موقف واحد لواحد ما بين مهاجميه بنجامين واجوجو ضد سعد ونجيب ... والي احيانا كان بيتفوق فيها مهاجمي الداخليه .. لكن التغطيه الجيده من فتحي ومعلول والارتداد السريع لعمرو السوليه ..، والعوده الدفاعيه لمؤمن زكريا حالت دون حدوث خطوره علي مرمي اكرامي ....
تناقل الكوره بسرعه بين الرباعي الهجومي عمل ارتباك شديد في دفاعات الداخليه ... وبكوره اتنقلت مابين مؤمن ومعلول وغالي وجد جون انطوي نفسه في مواجهه مرمي الداخليه وبيسجل هدفه الاول هذا الموسم ... هدف اعاد جون انطوي للطريق مره اخري ...
التغطيه علي السكند بول من السوليه وبمشاركه غالي كانت كفيله بان تيم الاهلي يركب الماتش بلغه الكوره ... اضف الي ذلك اوفرلاب معلول المتكرر الي بيعمله بكفاءه كبيره واما انه يسحب معاه لاعب فيفتح الطريق لمؤمن او يستلم الكوره ويمتعنا بعرضياته ...
الماتش كان في لقطات حلوه كتير اخترت منها لمسه غالي في الهدف التاتي ... لمستين بيلخصو كل الكلام ... قراءه للملعب ... دقه ... مهاره ... في الصورتين بنشوف غالي بيعمل بينيتين لمؤمن بتفس الطريقه و بنفس الاتجاه علشان يسجل مؤمن الهدف التاتي ...
المشاركه الدفاعيه لطرفي الملعب الهجومي اصبحت ضروره في عالم كره القدم ... ولو متمتش بيظهر فريق منعزل هجوميا و دفاعيا وسهل اختراقه كما في ماتش الزمالك وصن داونز ... مؤمن بيؤدي الحته دي كويس جدا نظرا لمجهوده العالي ... و دا الي بيخلي اي مدرب يتمسك بمؤمن في الملعب حتي وان كان دون المستوي ...
مكاسب المباراة كانت كتير جدا اهمها وابرزها عوده اكرامي من جديد ... اكرامي الي قدر يحافظ علي شباكه نظيفه مع هجمات خطره جدا من الداخليه ... المكسب التاني انطوي بيعود للتسجيل ... السوليه بيكتشف نفسه من جديد ...
اضف الي ذلك نزول ميدو حابر وصالح جمعه للملعب ولو لدقائق معدودة علشان حساسيه الماتشات ...
من الواضح ان البدري والاهلي قدرو يستفيدو من فتره التوقف و اللعيبه اكتر انسجاما وواقعيه ... كل دا اعطي للاهلي شكل مميز في ابرز مبارياته منذ بدايه الدوري ...
للمباراه الاولي مع البدري بيبدأ جمهور الاهلي يحس بشئ من الارتياح والامل ...
نتمني انها متكنش مباراة عابرة و ان الماتشات الجايه تكون احسن واحسن ...

التقييم الرقمي للاعبين

اكرامي 10
فتحي 7
سعد 7
نجيب 6
معلول8
غالي 9
السوليه 9
وليد 5
مؤمن 8
السعيد 7
انطوي 6
ميدو حابر .....
صالح جمعه .....

اقرء المزيد

تحليل مباراة الاهلي ووادي دجلة

في عصر ماقبل الماحيكو ابوتريكه كان في مهاجم عصري من طراز فريد اسمه احمد بلال ... احمد بلال او كما كان يلقب احمد اجوال لولا الاصابه اللعينه و تحربه الاحتراف الغير ناجحه كان هيبقي واحد من اعلي المهاجمين تهديفيا في التاريخ ... في الفتره دي الاهلي كفرقه مكنش قوي جدا لكنه لكنه كان بيكسب بسكور وبيتصدر بطولات بسبب احمد بلال ...
الفكره انك علشان تكون تكون فرقه بطةله لازم تمتلك تمتلم مهاجم كاحمد بلال قادر علي استغلال انصاف الفرص ....
الاهلي بيبدا اللقاء باكرامي في حراسه المرمي ... خد الدفاع احمد فتحي سعد نجيب علي معلول ... في الارتكاز حسام عاشور وبجانبه غالي ... نيدفيد السعيد مؤمن ... تحت مهاجم وحيد جون انطوي ...
بنوع من الرغبه في الانتقام بيبدأ لاعبي الاهلي الماتش ... خساره في الوقت القاتل وتعادل في الموسم الماضي ... وصعوبه في التسجيل في مرمي الحضري كل دي كانت دوافع للاهلاويه ...
كالعاده طبعا اللعب بالخطه التقليديه 4 2 3 1 مع تغيير بعض الافراد باشراك نيدفيد وانطوي بدل من وليد سليمان وعمرو جمال ...
اعتمد نادي وادي دجله علي الضغط العالي علي مدافعي الاهلي في التلت الاخير من الملعب بعدد كتير من اللعيبه وانتظار الاخطاء من المدافعين ... دا عمل للخط الامامي للنادي الاهلي كتير من الراحه والمساحات الي احسنو استغلالها كل من مؤمن وعبدالله ... مع كرات متقنه من الخلف للامام من المدافعين ... واتسببت في اكتر من هجمه للنادي الاهلي ...
اشراك كريم نيدفيد مكان وليد سليمان كانت ايجابي الي حد كبير ... نيدفيد بيجيد اللعب في المنتصف فكان بيشكل مع غالي وعاشور حاجز دفاعي عزل مهاحمي دجله تماما عن خط وسطه ... اضف الي ذلك عوده مؤمن زكريا الدفاعيه علي الجهه الاخري ....
نيدفيد الي بيكون خطير جدا والكوره في رجله .. ويمتلك قدره علي التصويب ممكن تكون مفتاح للفوز في ماتشات صعبه ... ودا وضح في الهدف الاول و كزلك في التصويبه الي في بدايه الشوط التاني .. لكن الي الان لا اتعتقد ان تم توظيفه بالشكل الصحيح ...
مؤمن الي اجمع الكتير من الجمهور علي انو يعد علي الدكه .. بيعود لشئ من مستواه وبيعود كمان للتسجيل من كره عرضيه براسيه ولا اروع علشان يطرد عفاريت عصام الحضري الي خرمتنا من التسجيل في 6 مناسبات ...
احد الحاجات الايجابيه ان للماتش التاني علي التوالي والهدف الثالت علي التوالي بنسجل من عرضيات ... بنستغلها كويس لكن الي الان لم نختبر فيها جيدا ... اقوي الاختبارات بالطبع ستكون في مواجهه رادار الزمالك علي جبر ...
اللقطه الطريفه بين غالي وسعد دي مش عاديه .. دي بنحاول نطبق فيها فكره كسر البلوكات الدفاعيه و الي بيتفرج علي ماتشات اوربيه يعرف معني الكلام ده كويس ...
الاداء وان كان اسرع من المباريات السابقه ودا بسبب ان دجله بيلعب كوره هجوميه .. الا انو لم يرتقي بعد للمرحله المطلوبه ...
علامه استفهام علي اداء علي معلول الي كان مع مارتن يول افضل بكتير وان لم يلعب معه الا مباريات قليله ...
العلامه الكامله من 3 مباريات شئ مطمئن رقميا لكن علي ارض الواقع الجماهير لسه قلقانه ... وكمان محتاج تشوف لعيبه اندفع فيها ملايين .. وياخدو فرصه كامله طبقا لرؤيه الجهاز الفني .. لسه حكايه احمد الشيخ متنستش ...

اقرء المزيد

مباراة الأهلي والمقاولون

في جهات أخري من الكوكب وبالتحديد في شرق لندن في نادي اسمه مانشستر سيتي ... مانشستر سيتي كان دايما بيحصل مرتبه في منتصف الجدول ... لحد ما اشتراه أحد الأثرياء العرب ... علشان ينافس بعد كده علي كل البطولات الانجليزية و دوري الأبطال ....
مناسبه الكلام ده هنا أن الأموال أصبحت أحد الأسلحة الفتاكه في عالم كرة القدم ...
الاهلي بيبدأ اللقاء بتشكيل مكون من أحلامي في المرمي ... خط الدفاع سعد ونجيب وفتحي وعلي أوفر ... عاشور في المنتصف الدفاعي ويعود الكابيتانو ليلعب بجواره ... عبدالله السعيد ومؤمن و وليد سليمان تحت مهاجم وحيد عمرو جمال ..
فرقه المقولون طول عمرها من فرق منتصف الجدول .. بتعتمد غالبا علي لعيبه اوشكو عالانتهاء زي عمر جمال وجدو ورامي عادل بيمتلكوخبرات .. وهدفهم دايما عدم الخسارة ... لذلك لو فات شوط بدون اهداف بيتحولو لفرقه من تونس و يبدأو يضيعو في الوقت .. لذلك كان لازم هدف مبكر يفك الامور...
مفاجآت في التشكيل من بدايه المباراة باستبعاد الصفقات الكبري .. أجاي مش موجود ولا أكرم توفيق ولا ميدو جابر دا غير المستبعدين بسبب الاصابه ... دفعنا فلوس في صفقات لم نري منها إلا علي أوفر ... المشكله أن يكون البدري مش مقتنع بيهم من الأساس لأن القائمه مش باقي فيها غير واحد بس ... يعني هنعمل الموسم بنفس اللعبه الي في الملعب ... يعني نفس حرق الدم بتاع كل ماتش ..
الخطة التقليدية 4 2 3 1 أصبحت تقليدية بكل مأتحمل الكلمه من معني ... معدش في تبادل مراكز معادش في انطلاقات أو مراوغات ... في بعض الأوقات بيتجه وليد سليمان ناحيه المنتصف تاركا الجبهه اليمني ع يخص علي موقع السعيد .،. بس ليه بيعمل كده مش عارف ..، والجهة المقابلة والعزله التامه بين معلول ومؤمن والي المفروض فيها انطلاقات بطول الملعب وفتح ثغرات لمعلول لعمل الأوفر ... مؤمن تحول من لاعب يجيد الأدوار الدفاعيه بثلاث رئات و صانع جيد لهجمات وأحيانا هداف لمحطة لافساد هجمات الأهلي ...
غياب تكتيكية تام مفيش جمله مفيش خطه مفيش فرقه ...
الموسم الي فات وفي أوقات انخفاض مستوي شريف إكرامي كان المدرب بيصر انو يلعبه ودا كان بيزيد الضغط العصبي عليه لحد مخسرنا ماتشات مهمة بسببه .. نفس الأمر بيتكرر مع عمرو جمال الي كلنا عارفين انو موهوب ... مفيش مانع من انو يريح ويلعب حد تاني مكانه لحد ميستعد شئ من مستواه ونستفيد منه ... الأمر التاني انا عاوز اعرف دور عمرو جمال المكلف بيه في الملعب ... عمرو لا يمتلك مواصفات المهاجم القوي في الالتحام أو عنده قدره علي الجري مسافه طويله .... لكن عنده حس تهديفي بقي مركزه الأهم في داخل المنطقة ... لكن الجري علي الأجانب والنزول للمتصفح بيستهلك طاقاته..
من أقوي الإضافات الي تمت كانت معلول ور فعاته. .. احنا فعلا معنديش لاعب مصري بيعرف يلعب ركنيات أو عرضيات. .. مع معلول فعلا بقت خطر وبقينا  نسجل منها أهداف ... وهدفين من رأسيتين في ماتش واحد كتير خاصه لو العرضية التانية كانت من أحمد فتحي الي متعودناش منه علي كده خالص ...
في الصورتين بتشوف كم البؤس الي شفاه في الماتش دفاعا وهجوما ... همه علينا من 3 لاعبيه في مواجهه 3 مدافعين وعوده ثلاثية من المنتصف ليصبحو 6لاعبين ... في مواجهه 4 من لاعبي المقاولون ... الي بيتناقلو الكره بكل سهوله بينهم واحنا مش عارفين نقطعها. .. الصورة التانيه 3 مهاجمين للأهلي في مواجهة مدافع من المقاولين والمنطق انها تنتهي بهدف لكن تخيل محصلش ...
لو كملنا بالشكل ده و في وضع صعب جدا تغيير لغيره أو مدرب ولم يتم ايجاد الحلول هستيريا المعاناه ... ممكن نكسب دوري ولكن هتبقى حاله أفريقيا وتخرج بشكل مهين زي محصل مع مارتن يول ....
العنيد حسام البدري لازم يقف مع نفسه ... ويبحث عن إمكانيات لعيبته. .. ويحاول يوظف بالشكل السليم علشان نقدر تتحسن وتنافس علي البطولات ... من فضلكم حافظو علي جمهور الاهلي..
محمد شعبان احنا لو اتفرجنا عالزمالك السنه دي في افريقبا فاماكن المشاهدين زهأت منكو لسنوات طويله .. ثقتكم دي بتقلق حتي جمهوركو .. ركز مع فريقك ...

اقرء المزيد

تحليل مبارات الاهلى والاسماعيلي

وجود الدوافع من أهم عوامل النجاح في كرة القدم .. باستمرار لازم توجد لنفسك دافع قوي يدفعك للإمام حتي وإن وصلت لأعلي الأرقام وحققت كل البطولات ... 
في ايه دافع اقوي من انك تكوني خارج موسم سئ وعايز تصالح جماهيرك. .. فيه ايه دافع اقوي من أن المنافس الوحيد اخد منك الكأس في مباراة مهينة .. في ايه دافع اكتر من انك خرجت من أفريقيا في بطوله كانت أسهل بكتير من بطولات حققنا .. ومنافسك بيحب رجل في النهائي .. في ايه اكتر من الجمهور يقف وراك للنهاية ... 
كمدرب بعد سنين لم تحقق فيها نجاح نسبي ... وتعيد اكتشاف نفسك كمدرب وطني قدير ...
الاهلي بيبدأ اللقاء باكرامي في المرمي ... خط الظهر معلول نجيب سعد باسم ... في محور الارتكاز الدفاعي حسام عاشور وعمرو السولية .. ادامهم عبدالله مؤمن وليد ومهاجم وحيد عمرو جمال ...
كلنا ك جمهور الأهلي كنا مترقبين لبداية الموسم وفينا أمل أن تنتهي السنوات العجاف ... للوهلة الأولي ومع معرفتي التشكيل حسيت بشئ من الإحباط .. المشاكل الي انتهينا بيها الموسم السابق بنبدأ بيها الموسم سواء دفاعا أو هجوما ... 

في انتظار رؤيه أي ملامح تطمن الجمهور ... الي خروج باسم علي ونزول محمد هاني ... تغيير يحمل تساؤلات كتير .. لو هو فني الوقت الي لعبه باسم غير كافي للحكم عليه أو علي أداء الفرقه .. إن كان لإصابة في الخلفيه دا معناه أن فتره الاعداد دي كانو بيقضوها في الاسترخاء علي شواطئ الساحل ... 
سؤال بيحيرني هو حسام البدري مكنش بيتفرج علي ماتشات الأهلي مع يول ؟ الاجابه اكيد لا والا كان فكر في حلول للأزمات بأي شكل .. 
الملامح الفنيه كانت غير واضحه طول الماتش والي ساعد علي سيطرتنا هو ضعف مستوي المنجاوية. . الغريب بقي أن حتي بعض المميزات الي كانت موجوده قبل كده في ربط الدفاع بالهجوم علي الأجانب ممثل في مؤمن وصبري سابقا علي اليسار وفتحي و وليد علي اليمين غابت .. الربط دا ليساعد في ظهور المدافعين بشكل أفضل نتيجه المساندة .. ويتيح ليهم التقدم للإمام والمشاركه في بناء الهجمات ... لما جه معلول وقلنا أننا هنستفيد من تقدمه للإمام نري البدري بيجبر كل لاعب انه يلتزم بمكان حرفيا الأمر الي فصل الدفاع عن الهجوم تماما ... 
علي مدار الماتش أخبرنا باكتر من شكل ... وفشل في تنفيذ ركنية بشكل كويس .. أو ضربه ثابته .. أو حتي صناعه الهجمات وإنهاءها. ..
كل دا بيديك انطباع أن القادم مش مبشر ... 
التعاقدات الي عملناها مستفدناش منها في الماتش .. وعلي العكس فاللعيبه الي مشيت زي الشيخ وعبدالظاهر بيقودو المقاصه لتحقيق اول فوز في الدوري .. الشيخ الي رقميا  كويس جدا ... ماخدش فرصه كامله نحكم بيه عليها ... كذلك عبد الظاهر الي أفضل من مهاجمين موجودين في الأهلي حاليا ...
الفوز في أولي الماتشات وان كان مهم إلا أننا كان نفسنا نطمن علي فرقتنا. .. ونمني نفسنا بطولات غابت كتير ...
مش عاوز أكون قاسي في الحكم علي الفرقه من ماتش واحد بس .. 
في مكان آخر علي الكوكب بنري جوارديولا بيضع بصماته من أول ماتش وبغير طريقه لعب فريق بأكمله ... واحنا هنا مش عارفين نغير لاعب أو نلعب في التشكيل ...
اتمني ان يكون القادم أفضل ...
بقلم
د/محمد انور

اقرء المزيد

تحليل مباراة الاهلى والوداد المغربى

في اهم مباريات الموسم الاهلي  بيؤدي اسوء ماتشاته من سنين ..
الاهلي بيبدأ اللقاء باحمد عادل في المرمي ... حجازي وربيعه جنبهم فتحي علي اليمين وصبري علي الشمال .،، اتنين ارتكاز غالي وعاشور ... ادامهم مؤمن ووليد بيتبادلو المراكز واتنين مهاجمين عمرو جمال وجون انطوي ...
بداية صريحه 4 4 2 تقريبا لاول مره مع مارتن ... اخر مره لعبناها كان مع في عهد عبد العزيز عبد الشافي والي نجح بيها نسبيا ... بس دا كان في مواجهات الدوري و اتعادلنا ماتشات لحد اللعيبه متعودت عليها ...
بعد التخبط الفني عند مارتن فكر متاخر جدا انو ممكن يلعب 4 4 2 نظرا لغياب عبدالله ... والحقيقه انها اختيار جيد لكن بلا جدوي لو معندكش 2 باكات يمين وشمال بيقدرو يرفعو اوفرات للمهاجمين ... غير كدا كلو هري ....
لما تيجي تتابع الاهلي في السنتين الي فاتو من ايام جاريدو مرورا بفتحي مبروك ثم فترة بيسيرو و عبدالشافي والانتهاء بمارتن ... تحس ان الاهلي لم يتخطي الكبوة ومش معني اننا كسبنا الدوري او كسبنا الزمالك اننا خلاص بقينا الافضل ... الزمالك السنه دي لو بنفس المستوي كان كسب الدوري مرتاح ...
ممكن حجتك تكون بغياب عناصر هامة لكن الجميع اتكلم من زمان علي توفير البديل و تدوير اللعيبة وانت مش هنا ... اتكلمنا عن دعم البدلاء نفسيا وانت عملت العكس قللت منهم جدا فكان من الطبيعي وقت الازمة متلاقيش حد جنبك ...

اضف الا ذلك انخفاض مستوي الاساسيين زي مؤمن زكريا الي داخل علي 5 ماتشات مبيلعبش كوره من الاساس ..، الي زيه كان ممكن يشيل الفرقه في الاوقات دي لكنه بيفشل في اول اختبار حقيقي ...

ربيعه و حجازي يقدمو مثال في سوء التمركز الدفاعي .. صبري وفتحي بيعلمونا ازاي تبقي باك لا تعرف معني التغطية .... و علشان الارف مبيجيش غير كومبو فالهدف الي كان ممكن يبقي السبب في صعود الاهلي بسزاجه بيتسبب مؤمن فى عدم احتسابه ..
حتي تغييرات مارتن كانت متأخرة جدا ... فالدفع بمتعب و صالح جمعة مبكرا كان ممكن فعلا يكسبنا الماتش لكن مارتن اصر علي التعامل بغباء غير عادي ... 
واضح ان البدايه الجيده لمارتن مكنتش كافيه ... ومتنساش ان المخده بتاع الدوري مش انت السبب فيها .... 
حاجه صعبه علي الاهلويه انهم يتخلو عن بطوله فعلا سهله بالطريقه دي ... التلات فرق الي لعبناهم مش فرق تقيله ... وكان ممكن نكسبها بسهوله جدا..
يبقي شئ مهم انك ممكن تكون وحش .، الخطة سيئه ... لعيبه مش فورمه لكن ان تغيب عنك الروح دي اكتر شئ نلومك عليه ... مقوله ... الاهلي بمن حضر كانت بتعتمد فعليا علي روح اللعيبه سواء اساسيين او احتياط .. علشان كده كان بيغيب تريكه الاهلي بيكسب ... بيغيب بركات او متعب او غيرهم كنا بنكسب بالروح اول شئ وبعد كده الاداء ...
البطوله نظريا خلاص راحت .. لازم مارتن يراجع نفسه ويبدأ من جديد علشان الي جي ... ولسه في الكاس .... علشان يعود الاهلي من جديد كبير القاره السمراء زي مكان دايما مسبب الرعب لكل الفرق حتي وهو في اسوء حالاته ...
بقلم
د. محمد انور

اقرء المزيد

تحليل مبارات الاهلى وأسيك 1-2

حالة من الصدمة والذهول اصابت الجماهير في مباراة دراماتيكية .... البدايات السيئة والصعود للمجموعات بسهوله نسانا سوء الاداء .،، والقليل امتلك نظرة مستقبلية وادرك الحقيقه بان القادم اصعب والمستوي في النازل .. خلصنا الدوري في ماتش بلا طعم ولا لون ولا رائحة وفرحة الفوز غمت عنينا ... عن اخطاء كتير ارتكبها اللعيبة والمدرب ... اخطاء كفيلة انها تغير تيم كامل.،، وكنا كجمهور علي اد المسئيولية ..، وقفنا وراهم ... دعمناهم ... وهم في اسوا مستوياتهم ..، لكن النتيجه كانت مزيد من التراخي ... ومزيد من الالم والصدمة لينا ... 
يول بدأ اللقاء بدون حارس مرمي اكرامي ... خط الدفاع فتحي ربيعه حجازي حسين السيد .. اتنين ارتكاز غالي وعاشور وادامهم احمظ حمدي ومؤمن زكريا و وليد سليمان تحت مهاجم وحيد جون انطوي ...
ماتشات معينة دي الي ممكن تجرب فيها اللعيبة ..، لكن في افريقيا و انت خسران الماتش الاول يبقي اللعب في التشكيل من المستحيلات ... يبقي الدفع باحمد حمدي اما انك بتموته او بتموته ... الولد ادي بصوره مش وحشه بس برضه مكنش ماتشه ..، مش عيب اني كنت العب بتلاته في النص غالي وعاشور والسوليه ... او صالح جمعه ... ا اغير خالص والعب 4 4 2 ... لكن يول اختار اسوأ الاختيار وهو المجازفه في ماتش مينفعش في اي مجازفات ولا بديل عن التلات نقط ...

من المتوقع في الماتشات دي ان المنافس يلعب بطريقه دفاعية بحته ... وقدرو فعلا ينفذوها ... والطرق دي بتبقي مصحوبة بهجمات مرتدة ... والفرقه الي بتلعب دور المهاجم لازم يبقي عندها تكتيك للقضاء علي الهجمات المرتده من خلال لاعب في منتصف الملعب زي حسام عاشور قادر علي استخلاص الكوره او فاول تكتيكي او دفع المهاجم بغيظل عن منطقه العمليات وبكده يكون قضي علي الخط الاول في الهجمه المرتده.. في كوره الهدف ادي عاشور دوره .،، لكن الخط التاني من تنفيذ الهجمه المرتده بيغطيه العوده السريعه من منتصف الملعب  زي غالي ومؤمن ووليد .. ولم يؤدو ادوارهم لذلك كانت النتيجه لاعب فاضي وبيسدد بكل اريحيه فلازم تكون هدف كالصاعقه علي الاهلوية ... الصوره فيها 1 ، 2 دول خط الهجوم الاول ... 3 ، 4 دا الخط التاني ..، وواضح العوده المتأخرة للاعبي المنتصف ....

الشوط الثاني واخراج عاشور ونزول عمرو جمال والضغط باتنين مهاجمين كان كفيل بتهديد مرمي اسيك بصوره قويه لكن عدم التوفيق قضي علي امالنا ... و في وقت ما كان اقوي امانينا اننا نخرج من الماتش متعادلين و في الهجمه الوحيده والي كانت ميته علي مرمانا .،، خطأ ساذج لايرتكبو حارس في بدايه مراحل تعلم الكوره بنلبس جون قضي علينا ... وقضي علي طموحنا في الصعود ... واصبحنا قريبين جدا من الخروج من البطوله خالي الوفاض ...

كل المحاولات الي عملها مارتن كانت فاشبه ولم يستطع فك رموز الافريقي الايفواري  ... المشكله ان اي متابع جيد للكره عارف كويس ان اسيك ومن قبله زيسكو مش بالمستوي الي يهزم الاهلي ..، لكن سوء التقدير من المدرب وتهاون اللعيبه كان السبب الاكبر في الخسارة...
مؤمن زكريا وانخفاض مستواه اثر علي الاهلي دفاعيا وهجوميا ... مؤمن ادرك حقيقه اقتناع مارتن بيه وبدا يؤدي بشكل سئ ...
فتحي وان كان من افضل اللعبين دفاعيا الا انو في الاوفرات كان سئ جدا لكن له مميزاته طبعا ... غالي الغالي مزعل الاهلويه منه .. وكعادته في نهايه كل موسم بينخفض مستواه لكنه بيعود في ماتش كبير وليس ماتش السوبر ببعيد ..
اكرامي لا بد من اراحته والدفع باحمد عادل او احمد ربيع الشيخ الي اتوقعله شخصيا مستقبل مشرق ... حارس ميلان 17 عام وبياخد الفرصه ... واكرامي ليس افضل من كاسياس الي قعد علي الدكه كتير سواء في الريال قبل رحيله او مع منتخب اسبانيا ... لما تريحه ان كان كويس يبقي بيعود لنفسه ويركز وان كان وحش ادينا خلصنا منه ...
خساره ماتش زي دي فاجعه لا تساوي خساره زيسكو او المصري ... لكن يبقي امل .. وان كان الصعود بعيد فلازم الجميع يعرف من هو الاهلي ... ممكن مثلا ربنا يكرم ونصعد تاتي مجموعه ... واتعس الناس لو دا حصل هيبقي الفريق الابيض ... لاننا بكده نكون ضمنا الصعود للنهائي باذن الله ... شايف عماد متعب مره بالشورت الاسود ومرة بالازرق ... واحده باليمين وواحده بالشمال ...
افريقيا يا اهلي
د.محمد انور

اقرء المزيد

تحليل مبارات الاهلى والاسماعيلى 2-1 - التتويج -

الاحلام تراود الجميع ومن حق الجميع ان يحلم ... لكن تبقي الحقائق واقعا حتي وأن كانت عكس ما تريد او تمنيته لنفسك ..

الاهلي بيبدأ اللقاء بالتشكيلة المعتادة اكرامي في المرمي ... خط الدفاع ربيعة والحاجز ... فتحي صبري رحيل ... المسمار وجنبه عمرو  السولية ... ابو التفانين ومعاه المؤ ... والحاوي ... ومهاجم وحيد جون انطوي ..،

كثرت الاقاويل وارتفع سقف طموحات المنافسين بعد هزيمتين متتاليتين ... وتخيلو ان البطولة هتضيع من الاهلي في اخر الاسابيع ... وان المانجاوية هيعملوها ويكسبوا الاهلي ... لكن الاهلي كان علي الموعد زي ما عودنا ...
مارتن يول استوعب الدرس من الماتشين الي فاتو ... وعرف ان في ماتشين المكسب اهم من الاداء .،. ومش عيب انك تلعب بطريقه دفاعيه وتعتمد علي المرتدات او علي اخطاء المنافس ... ومفيش مشكلة خالص انك تدافع ب 5 او 6 او الفرقه كلها ... 
الحديث الفني عن الماتش قليل جدا ... لعده اسباب .. النقل السيء تليفزيونيا .،. السبب التاني ان مكنش في كورة فعلا .،. بس الاهلي كان مركز وعاوز يكسب باي طريقه .. ويسجل هدف مبكر يريح الاعصاب ويقفل بقية الماتش .... وكان له ما اراد لما استطاع فخر الصناعة الاهلوية ابو التفانين العغيجي رمضان انو يسجل هدف غالي في مراقبة الغالي الكبير من المدرجات ... وبعديها بدقيقيتين فقط استطاع الحاوي انو يسعد السعيد وهو في المدرجات بهدف علي طريقه السعيد .. ويقوله من جاور السعيد يسعد ...
في خبر نزل في مجله رياضيه اجنبيه تم اختيار 30 لاعب علي مستوي العالم ليلقبو بشبيه ميسي ... ضمت القائمه لاعبين من مختلف انحاء العالم ومن ضمنها كان مصري وحيد هو وليد سليمان ... الحاوي الي سجل ضربة ثابته ولا اروع ... الكثير قال عليه انو خلص كورة بعد الاصابه ... ابن جيل العظماء تريكة وبركات بيعود افصل عودة .. وبيسكت كل من اتهموه بالنهاية ...

السولية والمسمار كانو واحد من اهم عوامل التقفيل الدفاعي في منتصف الملعب ... والي حرم المانجا من الوصول لاكرامي في اي مناسبة ... المسمار صاحب الثلاتين عام بيقترب تاريخه من تاريخه انديه كتير بقالها عشرات السنين ... ولو انو مش واخد حقه اعلاميا ... الا اننا كاهلاويه عارفين عاشور بيعمل ايه ... وان تبدل عليه الكثير من المدربين مصريين واجانب الا ان الكل كان مستقر علي لاعب مهم جدا في المنتصف هو حسام عاشور ...

يغيب ايفونا ويغيب عمرو جمال وينخفض مستوي متعب ويتبقي مهاجم واحد سليم في التشكيل الاهلاوي هو جون انطوي .،. الي بيستغل الفرصه تماما وبيشكل قوة هجومية لا يستهان بها واهلك دفاع الاصغر ... 
مش هنبالغ في الفرحة لان دا الطبيعي ... لسه الموسم مانتهاش ... لسه في كاس ولسه في افريقيا ... ننسي الماتش ده ونستعد بقوه لما هو قادم ...
لعب الماتش في بتروسبورت والي معروف ان الاهلي مش دا ملعبه المفضل ... قفل حجه الدواعي الامنيه ... اليوم الي عدي في هدوء تام علي مستوي العالم قفل حجه المؤامرة الكونيه ... ابراهيم نور الدين الي عمل ماتش كويس ومحسبش للاهلي ولا ضربه جزاء ولا حتي فاول عكسي قفل حجه التحكيم ... طيب ازاي هنسكت جماهيرنا ...
ممكن تستغل السوشيال ميديا في ترويج ان جماهير الاهلي بيب بيب ومبيفهموش واحمد ربنا انك زملكاوي حتي ان كنت بتخسر بطولات ...
ممكن تعمل فيديو الاخطاء التحكيميه الي ضيعتنا و كسبت الاهلي ... اعتقد ان البرازيل لما خرجت من كوبا امريكا عملت فيديو وسمته بطولات ضائعة ...
ممكن برضو تروج ان دلوقتي المصري بقي حلو وبتشجعوه ... لا يا حبيبي احنا بنشجع فريقنا لكن انت بتشجع كل فرق الدوري ونفسك تكسب الاهلي في اي مناسبة ...
الشماعات كتير و التبريرات كتير لكن دا لا يلغي الحقيقه المره انك خسرت البطولة .،. ومتقلش انا بحبه من غير بطولات لان الارسنال وتاربخه ليس ببعيد ...
وعد مارتن واوفي .. هنيئا لك المخده الي هتنام عليها الماتشين الجيين يا جنراااال ...نحن الابطاااال ...

بقلم 
د.محمد انور

اقرء المزيد

تحليل مبارات الاهلى وزيسكو يونايتد 2-3

الهزيمة التانية علي التوالي بنفس اللعيبة ونفس الاخطاء شئ مقلق خاصة مع اقتراب مباريات الحسم في بطولة الدوري 
يول بيبدأ اللقاء باكرامي في المرمي ... خط الدفاع فتحي ربيعة حجازي صبري رحيل ... اتنين في المنتصف غالي وعاشور ... جمعة رمضان مؤمن .. تحت مهاجم وحيد جون انطوي ...
للمباراة التانية علي التوالي بيفشل مارتن يول في اختبار الغيابات المؤثرة ... الفرق الكبيرة مبتقفش علي لاعب او خطة ... وتمتلك البديل الجاهز ... بيغيب رونالدو في مدريد بيتواجد بيل ... بيغيب ميسي في برشلونه يتواجد سواريز .... الخطط بتبدل علي حسب اللعيبة الجاهزه وعلي حسب الفرقه الي بتلاعبها و طبيعه المباراة .. لكن الثبات علي تشكيلة معينة وخطه بعينها بيفقدك عوامل التنوع و بيخلي غياباتك مؤثرة ...
من بدري بنتكلم عن تدوير اللعيبة والفرص الي المفروض اللعيبة تاخدها ... اللعيب الغير جاهز فنيا نديله ماتشات ... والغير جاهز بدنيا نديه لمدرب الاحمال يظبطه ...
علشان كده غاب عبدالله السعيد العمود الفقري للفرقة افقد الفرقة توازنها لان مفيش بديل ... ولان المصائب لا تأتي منفرده فانخفاض مستوي غالي هو الاخر اثر بشكل كبير وغاب الربط بين الدفاع والهجوم وكمان كلفنا اهداف ونقاط هامة ...
الماتشات الي زي دي مفيش مشكلة انك تلعب بطريقة دفاعية بحتة وع استغلال الهجمات المرتدة ... مشكلة الدفاع المتأخر ان في حالة تخاذل لاعب واحد بس عن مهمته بيبقي سهل اختراقه .. اضف الي ذلك حالة عدم التركيز الي اصابت كل الفريق بلا استثناء بما فيهم المدرب ... والضغط الاعلامي والجماهيري بعد مباراة المصري علي اللعيبه الكبار خاصة غالي واكرامي .... غالي فيه مشكلة ان وقت الضغط بيحاول يظهر انو مش مضغوط من خلال وقوفه كتير علي الكورة الامر اللي بينعكس سلبيا علي اداؤه وبيكثر اخطاؤه ...

الثغرة ظهرت مبكرا جدا وخاصه في الدقيقه 20 ... في الحاله الدفاعية المفروض بيضم فتحي جنب ربيعة وبيلعب مؤمن زكريا كظهير ايمن بيقفل المساحة ... الصوره فيها الدايره الحمرا فيها فتحي بيغطي والدايرة البيضا هو اللاعب الفاضي الي مفروض يكون مع مؤمن زكريا ...
اضف الي ذلك صيام اللعيبة و محاولتهم توزيع المجهود علي كل المباراة ... كان لازم يكون الشكل كده ويتلاعب بنا زيسكو و يحصل الفرق دا في النتيجة ...
التغييرات الي اجراها يول لم تضف الكثير ... الي اضاف هو رمضان ... من خلال اختراقاته من اليمين ومن الشمال والي اقنعنا ان دفاع  زيسكو هش كل المطلوب بس اننا نوصل الكوره لقدام ... والباقي هيتم بسهولة ...

العودة المتأخرة للمباراة كانت كفيلة اننا نقرب بالنتيجه لكن مقدرناش نوصل للتعادل ...
العشوائيه الخططية الي كانت موجوده وتغيير الخطط من 4 2 3 1 الي 4 1 2 2 1 الي 4 4 2 ... خلقت الكثير من التخبط واللعيبه تاهت و التركيز قل كتير ... كل دا واللعيبة صايمه كان فعلا حمل تقيل ...
مينفعش نبني الخطة علي لاعب عنده 19 سنة رغم مهارته الفذه ... كدا بيشيل اكتر من طاقته ... وبنضغط عليه وممكن في لحظه صعبه نفقده تركيزه ودا هيعود علينا بالسلب ... 
المباراة القادمه حاسمة ... فلازم نكون مستعدين ... واعتقد ماتشين من التخبط والاخطاء كافيين اننا نوصل للتوليفه المثالية الي نقدر نلعب بيها الماتشات الي جيه ... 
البدايات الضعيفة ... ممكن تكون دفعة قويه علشان نكمل مشوار طويل ملئ بالصعوبات ... في انتظار الحلول الفنية و معندناش استعداد نخسر الدوري او حتي بطولة افريقيا ...

بقلم
د.محمد انور

اقرء المزيد

تحليل مباراة الاهلى و المصرى 2-3

 

الخسارة بشرف وفي ماتش كان ممكن نكسبه بسهوله لولا عدم التوفيق افضل بكتير من مكسب غير مستحق بوقت ضايع بزياده او ضربة جزاء مش صحيحة الاهلي بيبدا اللقاء باكرامي في المرمي ... ربيعة سعد سمير ... محمد هاني صبري رحيل ... حسام غالي وعاشور ... رمضان مؤمن وليد تحت مهاجم وحيد مالك ايفونا علشان تستوعب كلامي وتعيش معايا محتاج تشغل اغنية حزينه من اغاني محمد محي او حماده هلال زمان .... واحنا لسه بنستعد للمباراة وبنؤهل نفسنا لتجاهل ان في ماتش ايطاليا وبلجيكا في نفس الوقت من اجل عيون الاهلي فجاه في واحد غلط ..شاطر وغالي وغلطته بألف ... الكابيتانو في موقف نادر خطأه بيكلفنا هدف في توقيت صعب ... بس برضه مازال الكابيتانو ... في لقطة اخري لاخطاء ساذجه وكره طويلة اعادت ليا زكريات محرز وفاردي والكوره الطويلة بتصبح النتيجة 2 صفر في لمح البصر ... وفجأه لقينا نفسنا بنبدأ ماتش واحنا خسرانين 2-0 ... وقدام المصري وحسام حسن العنيد ... الحلقه المفقودة في تشكيل الاهلي وافضل لاعبي الدوري هذا الموسم عبدالله السعيد ... غياب السعيد اثر علي الفريق بشكل كبير وغاب الربط بين المنتصف والهجوم ... دا كمان عمل ارتباك في التشكيل ... يا تري هنلعب بمين ... هنكمل 4 2 3 1 ولا نلعب 4 4 2 ... يلعب رمضان مكان السعيد ولا مؤمن ... او ممكن وليد سليمان ..، او ممكن يلعب مؤمن مهاجم تاني ... وكانت النتيجه شوط دون المستوي الا من بعض الهجمات الخطيرة من لاعبي الاهلي ... اصابه ايفونا زادت الطين بله علشان يبقي مع السعيد وعمرو جمال في قايمه الاصابات في وقت صعب جدا وقبل ماتشات مهمة .. الشوط التاني كان افضل بكتير وفي الوقت الي بنفكر فيه نعوض نصحي علي موقف واحد لواحد مع صبري رحيل الي كان تجاوزه سهل جدا وبيتأزم الموقف جدا بالثلاثيه .... مع اتساع فارق النتيجة الا ان كان بيدور في ازهاننا كلنا سيناريوهات العوده البعيدة والقوية وليس ذلك علي الاهلي بغريب ... هاصة لو امتلكنا لعيبة زي رمضان صبحي ..، مش هتكلم عن المهارة ولا القوه الجسدية ولا التهديف او الاسيستات لان الفيديوهات بتحكي شئ لا يمكن وصفه بالكلام ...لكن هتكلم عن الجرينتا والروح التي يمتلكها رمضان والي ورثها من نجوم كبار زي تريكة وزي حسام غالي ... والي بتحطه في قلب الاهلوية في مكانة خاصة لا يصل اليها لعيبة كتير .... ومحدش ينسي يطمن علي اسامة العزب اخباره ايه .... اضف علي ذلك هدوء الاعصاب وتحمله للمسئولية في ركلة الجزاء واسيست الهدف الثاني ... صالح جمعه اعتقد ان يبدا الماتش اللى جاي لتعويض غياب السعيد او اللعب 4 4 2 باتنين مهاجمين صراح ... واعتقد يمين وليد سليمان افضل بكتير من شمال صبري رحيل في الجبهة اليسري ... او ممكن نريح حسين السيد من الاعلانات ونجربه في الملعب ... اقوي ابناء بورسعيد حبا للمصري و اقدم مشجعي الزمالك ولا اي متشاؤم اهلاوي كان ممكن يتوقع السيناريو ده ابدا .،. والماتش لو اتعاد 10 مرات مش هيكسب المصري ... عدم التوفيق كان اهم اسباب فوز المصري ... ولو سجلنا انصاف الفرص او تعاطف معنا القائم كان ممكن نكسب بسهولة .... الاهلي كان ضاغط هجوميا بشكل كبير ... لو انت لسه جي من بره او كنت بتشرب سيحارة ورجعت شفت لقطه الصورة بتلاقي 5 لعيبه من الاهلي مع 4 لعيبه من المصري في منطقه جزاء المصري ..... لكن الرعونه والتسرع وعدم التوفيق اضاعو فرص كتير زي كوره تاتيه كانت مع مؤمن وكنا 3 علي 2 واضاعها مؤمن بغرابة شديدة ..، الخسارة في حد ذاتها مش هي النهاية ولازال الدوري ان شاء الله اهلاوي ..، لاول مرة اتمني الايسجل الاهلي بسبب الوقت الضايع الغير مستحق والي كان بسببه كان هيحصل مشكلة كبيرة ... باعتراف النقاد 8 د كتير جدا ... احنا مش محتاجين الكلام ده علشان نكسب الدوري الدوري بتاعنا ان شاء الله ... حبايبنا الغاليين برصو خليكو في حالكو ولما تكسبونا ابقو زيطو علشان بيبقي شكلكو وحش اوي ... احنا مش الجمهور الي يبيع لعيبه ياما فرحونا ... الكابيتانو هيبقي هو الكابيتانو وراسو مرفوعه ... اكرامي هو الحارس حتي لو انخفض مستواه ... دا لابس التيشيرت .... ولنا عوده للانتصارات من جديد من خلال بوابه المنجاوية ... علي الحلوة والمرة مش كنا متواعدين ...

بقلم

د. محمد أنور

اقرء المزيد

تحليل مباراة الاهلى و الداخلية 2-0

عودة من جديد لاهم اسباب فرحة شعب الاهلي ... الدوري بيعود بعد توقف ومعاه الاهلي بيعود للانتصارات .... 
الاهلي بيبدا اللقاء باكرامي ... سعد سمير وربيعه ... صبري رحيل احمد فتحي .... حسام غالي حسام عاشور ... وليد مؤمن السعيد تحت مهاجم وحيد مالك ايفونا ....
بنفس الخطة والتكتيك بيلعب الاهلي مباراته بعد العوده من التوقف المؤثر سلبيا علي مستوي اللعيبة وحساسية الماتشات ... ودا كان اسباب انخفاض المستوي في الشوط الاول ... الخطة التقليدية 4 2 3 1 كانت بتتحول في بعض الاحيان ل 4 4 2 بتقدم مؤمن زكريا كمهاجم تاني بجوار ايفونا ... مؤمن زكريا كان محور الخطر في كتير من الاحيان .. وواضح جدا اقتناع مارتن يول بمؤمن بسبب مجهوده الوفير ومشاركته في الدفاع والهجوم بجانب قدرته التهديفيه وصناعه الفرص وعلشان كده هو دا جوكر مارتن يول واحد الاعمدة الاساسية جدا في التشكيل .. اصابة عبد الله السعيد كان خسارة كبيرة للاهلي لنهاية الموسم .. لكن خروج السعيد اجبر مارتن يول علي تغيير تكتيكه في كتير من الاحيان كذلك الدفع بلاعبين يستحقوا الفرصة زي صالح جمعه ... صالح جمعه اللي في رايي لو لعب جنب رمضان هيعملو جبهه +18 ...
قوه كبيره موجوده في صالح ان  بيقدر يلعب البينيات من مسافه طويله جدا يقدر يضرب بيها اكتر من خط ...
بنشوف مع المدربين الكبار في الفرق الكبيره تغيير كبير في الاداء في الشوط التاني ...ممكن تكون محاضره بين الشوطين نفسية فقط وتخلو من الامور الفنية ... اشهر واحد طبعا هو يورجن كلوب الي بيقدر يشحن لاعبيه لدرجه كبيرة ... بنشوف في كتير من الماتشات للاهلي تغيير كبير فعلا في شوطي المباراة ... من الواضح ان في شغل وكلام كتير بيتقال بين الشوطين ...
نزول رمضان جنب مؤمن ووليد تحت السريع ايفونا اعطي ميزه هجوميه للاهلي وتنوع كبير ..، وقدر مالك ايفونا بمهارته العاليه انو يسجل هدفين ليصل للرقم 12 في اولي مواسمه وهو مالم يفعله افريقي اخر مع الاهلي .. واحنا علي ثقه ان لم يقدم افضل ما عنده حتي الان ...
يمتلك ايفونا مميزات لا تتوافر في اي مهاجم في مصر حاليا ... ايفونا عنده سبرنت سريع جدا وبيقدر يسبق اي لاعب في الدوري حاليا في اول 3 او 4 متر ... دا بجانب مهارته الفرديه وقدرته علي تجاوز واحد لواحد او واحد لاتنين ودا وضح في ماتش الزمالك ...
الاهلي كان ممكن يكسب اكتر من كده في مواجهه فرقه عنيده زي الداخليه ... 
متعودناش نتكلم كتير عن التحكيم لاني علي ثقه ان اخطاء التحكيم جزء من اللعبه ويوم هتكون ليك ويوك هتكون عليك ..، واليوم الي هتكون علينا فيه مش هنتكلم عليها الا لو كنا فعلا ادينا وكنا نستاهل نكسب .... بمعني اخر مبنعملش لنفسنا شماعة نعلق عليها مستوانا السيء زي ولاد العم الي بيخسروا لالفي سبب الا انهم مبيلعبوش كوره اصلا ... وبتتنوع الاسباب بين التحكيم وحظ الاهلي والمؤامرات ....
لازم علي مدار الماتشات لازم كل اللعيبه تاخد فرص في اطار ميبوظش التشكيل علشان نقدر نحكم علي من يستمر ومن يمشي ... مش معقول واحد زي احمد الشيخ يجي ويمشي بعد الضجه الي حصلت ومنشفش ماتش ليه اساسي في الدوري ...
الاهلي بيصل لنقطه 71 علي قمة الدوري ... الماتش الجي مع ابناء بورسعيد ..، لو اتعادلنا هنوصل للنقطه 72 ... ولو فزنا هنبقي 74 ... علشان نفتكرهم 74 شهيد في الجنة ...
#افتكروهم
بقلم 
د. محمد انور

اقرء المزيد

تحليل مبارات الاهلى والمقاولون العرب

لا تبحث عن شئ جميل وسط القمامة فحتما لن تجد ... المنظومات الفاشلة من الصعب انك تلاقي فيها شئ كويس ...
الاهلي بيبدأ اللقاء باحمد عادل في المرمي .... حجازي ربيعه صبري احمد فتحي ...  غالي وعاشور ... السعيد مؤمن وليد سليمان تحت مهاجم وحيد مالك ايفونا ...

عادة ماتشات الاهلي والمقاولون بتكون فيها ندية و بتبقي ماتشات ممتعه ...كل الدلائل بتشير لماتش كويس ... الاهلي منتشي بفوز روما ... والمقاولين منتشي بفوزه علي سموحه 2-0 .. لكن الماتش دا هو اسوأ ماتشات الاهلي والمقاولين واسوا ماتشات الدوري لهذا الموسم ...
فنيا مفيش كلام يتقال ... نقطه وحيده بس ان مارتن يول استمر في الاعتماد علي وليد سليمان المتألق وابقي رمضان العائد من المنتخب علي دكة البدلاء ... 
الماتش كان ماشي كويس لكن شخصية اللعب المصري كثير الاعتراض ادت الي طرد مبكر اثر كتير علي سير المباراة ... 
الاخطاء التحكيميه جزء من اللعبه ويوما ما هتستفيد منها ويوما ما هتبقي ضدك ... فلازم كمشجعين وكمحللين نؤمن بكده .، في بطولات كتير اتحسمت باخطاء تحكيميه ولم تكن نهاية العالم ... لكن الاسوء من الاخطاء هي شخصية الحكم نفسه الي لو كانت مهزوزه هتوصلنا للي حصل في الماتش ...
من الصعب جدا في منظمه فاشلة واتحاد فاشل ان تجد اي بصيص من النجاح ... المنظومه دي صعب جدا تخرج لاعب قادر علي اللعب في الملاعب الاوروبيه باستثناء القليل زي النني وصلاح .، والدليل ان محترفين يتعدو علي اصابع اليد .. علي العكس من دول قليله الموارد لكن منظومه الرياضه عندهم افضل مننا ويمتلكو محترفين علي مستوي عالي ...
الماتش في النهايه تحول الي حدث ممل وكلنا نفسنا الوقت يعدى وكتير ساب الماتش ومكملوش ... الاستياء كان واضح علي كل اللعيبه سواء الاهلي او المقاولون ... والمنظر العام كان سئ جدا ....
برضه في الفتره الاخيره في مشكلتين مع اتنين من اهم لاعبي الاهلي الاولي بين غالي كابتن المنتخب والاهلي وبين كابتن اسامه نبيه ...، الموضوع كبر بقصد او بدون وتحول لمشادات بين الاهلاويه والزملكاويه ... الموضوع كان ممكن يتحل بسهوله ونتجاوز المحنه لان المنتخب مش ناقص مشاكل و نحافظ علي اللعيبه وخاصه الكبار مثل غالي والي ليهم دور مؤثر سواء مع الاهلي او مع المنتخب ...
المشكله التانيه مع متعب ... لازم نعترف ان متعب لم يلقي المعامله التي تليق به كاحد افضل لاعبي الاهلي في السنوات الاخيره ... ولا ننسي اهدافه القاتله ... ولا ننسي انه  كان يصوم ويفطر علي الزمالك ... ان كان مستواه منخفض او بدنيا غير لائق يبقي ممكن ننصحه بالاعتزال في هدوء ... لكن يجب معاملته معامله احسن من كده وموقف ماتش روما كان سئ جدا ....
يجب معالجه المشاكل في هدوء لكن احنا كمصريين متعودناش علي الشياكه ... ولازم نختار الاسوأ ...
بقلم
د.محمد انور

اقرء المزيد

نقاط هامة في مباراة الأهلي وروما

كان الأهلي علي موعد مع العالمية في استاد هزاع بن زايد بالامارات عندما التقي فريق العاصمة الايطالية روما وفاز عليه باربعه اهداف مقابل ثلاثة...

بعيدا عن الفوز الا هناك نقاط هامة وب توضيحها:

-         المباراة كانت أقرب الي الكرنفال منها الي مباراة كره قدم ... كان الحدث الابرز هو تكريم القيصر توتي والكابتانو حسام غالي ..

-         مارتن يول مدرب عالمي تعامل مع الماتش بمنطق الاهلي فريق عالمي وقادر علي مواجهة الكبار وأعطي للمباراة حجمها الحقيقي لم يبالغ فيدفع بالفريق الأول و احترم كذلك فريق روما ودفع بفريق متكامل قادر علي الفوز ومجاراة الفريق الايطالي..

-         لاعبو روما بدأو المبارة بشئ من التعالي الا أن لاعبو الأهلي أجبروهم علي الدخول في المباراة...

-         روما لم يكن مكتمل وغاب عنه لاعبون أساسيون مثل يانجولان وشعراوي وبيانتش وفلورنزي صاحب الهدف الشهير في مباراة برشلونه..

-         اعتمد الأهلي علي لاعبين يسعون للحصول علي فرصة لحجز مكان اساسي فكانوا علي قدر الحدث..

-         جون أنطوي أحمد الشيخ صالح جمعه يستحقو الفرصه ...

-         ظهر الفارق الكبير بين هجوم روما بالمنظور الأوروبي في سرعة نقل الكوره والوصول باقل عدد من اللمسات الشئ الذي لم يستطع دفاع الأهلي مواجهته فكان الوصول لمرمي اكرامي سهل جدا ...

-         اما عن الهجوم فهجوم الأهلي قادر علي مواجهة الكبار من خلال تسجيله 4 اهداف بطرق مختلفه وضاعت الكثير من الفرص...

-         حسام عاشور أعاد للاهلي اتزانه....

-         الكرة للجمهور ... شكرا جمهور التالته شمال ...

-         شكرا للامارات علي هذا الحدث الكبير...

-         صديقي الزملكاوي ... ركز مع ناديك من فضلك ...

    بقلم

    د. محمد انور

اقرء المزيد